New Year Angels

წლის შემაჯამებელი პოსტი

  რა ჯამი, რის ქოთანი.. მეწერინება :) 2011 წელი საშინლად დაიწყო, ერთი უგემური ლიტერატურული ქმნილების ქმნილებით, მაგრამ ეს მხოლოდ ყვავილები იყო, როგორც ჩრდილოელი ოკუპანტები ამბობენ. 

  მერე ავად გავხდი. დაბადების დღეზე  40 სიცხე მქონდა. ასე თერმომეტრთან ჩახუტებული გავიდა იანვარი, თებერვალი და მერე ისევ ავად გავხდი. სასაცილო დაავადებაა – ვარდისფერი პიტირიაზი, რაც ნიშნავს იმას რომ  პანტერასავით ხარ დაწინწკლული ვარდისფერი ლაქებით და ტილიანივით გეფხანება. მიტომ გემართება რომ ბევრი ავადმყოფობის გამო დასუსტდი. ავადდები რადგან ავად იყავი. საყვარლობა. აი, ხვალ უკეთ გავხდების ცვლიდა აპათია. ბრრრ...

  გაზაფხულმაც შემოააბიჯა ამასობაში. ლაქები ნელ–ნელა აბარგდა, მაგრამ ხასიათს მაინც ვერაფერი ეშველა. ფილტვებსაც. ძაღლივით ვახველებდი და ვეძებდი იმუნიტეტს, თუ იპოვეთ დამიბრუნეთ, ისევ პაბეგშია. 

  ხოდა, ზაფხულის დასაწყისში მოვიდა შვება – შვებულება. ბორჯომში, პენსიონერულად, ბავშვით, პარკში გასეირნებეით და სიმწვანით. მაშინ პირველად ვჭამე თევზი. 

როცა დავბრუნდი, საუკუნის შეთანხმება დავდე სამსახურში, რომ ზაფხულის შვებულებაზე ვამბობ უარს და დეკემბერში უნდა გამიშვან ევროპაში. ზაფხულის შვებულების კენჭისყრა, ნამდვილი ბაბილონია  სააბონენტოში, უამრავი სხვადასხვა ასაკის ქალი ცდილობს დააწყოს გრაფიკი ისე რომ წავიდეს ზღვაზე შვილებთან/შვილიშვილებთან/დაქალებთან/ტანამშრომლებთან ერთად და ადგილები შეზღუდულია. მოკლედ ქამარი შემოვიჭირე (ასე არასდროს გამჭირვებია მუშაობა) და დაველოდე ჯერ შემოდგომას, მერე ზამთარს და ბოლოს წავედი! (ფოტოები იქნება) წელი, რომელიც ცუდად დაიწყო შესანიშნავად მთავრდება..

ბედნიერ შობას– ახალ წელს გისურვებთ ბატონებო. და ქალბატონებო :))

განთიადის ჩიტები

     მათთან უცნაური ურთიერთობა მაქვს, ყოველ წელს მოფრინავენ, ყოველ წელს ვუღებ და ყოველ წელს მოაქვთ.. ჩიტის მოტანილი აბა რა უნდა იყოს, ბდღვნადაც არ ღირს, მაგრამ.. ჯიუტად ბრუნდებიან და მიმტკიცებენ რომ თავიდან დაწყება შესაძლებელია. რისიო, არ მკიტხოთ. ყველაფერის :)

Autumn bokeh from old folder..

იასამნისფერი

კარუსელი თუ რაღაც მსგავსი

ნიანგის თვალებით

Roma