ბორჯომის ფერები

ჰელმუტ ნიუტონი, ირანელი ქალები და ვერ შემდგარი ზასავ–პარტი

ყველაფერი ორი თუ სამი წლის წინ დაიწყო, როცა ვალენტინობაზე ალექსანდროვში მოზასავე წყვილებს გადავუღე. ძალიან სასაცილო  ფოტო გამოვიდა, 8 წყვილი კოცნაობს ბაღში, სკამზე და ყველას გვერდით უდევს ობოლი წითელი ვარდი. მაშინ აღვშფოთდი, რა ამბავია ეს ერთგვაროვნება, ერთს მაინც ეჩუქებინა ტიტა, ან სხვა რიცხვებში ეაზასავათ, განა აუცილებლად სიყვარულის დღე უნდა იყოს მეთქი.

ამის მერე, ოლვეისის ხიდის კიბეებზე გადავუღე წყვილებს, ლამაზი ფოტოა, მანამდე კიდევ რამოდენიმე კადრი შემომეფოტკა და გამოვიდა რომ კოცნებს ვაგროვებ.. მშვენიერი ჰობია, რას მერჩით :)

როდესაც ფეისბუქში მოზასავეების ფლეშმობი დაიგეგმა, ხელებს ვიფშვნეტდი კმაყოფილებით, ფოტოაპარატიც გავამზადე, მაგრამ რა ხეირი.. დიდის ამბით საპროტესტო ზასაობის მოსაწყობად წასული ხალხიდან მხოლოდ სამმა გაბედა..  და ისიც პრესტიჟის კოცნა. ეჰ.. სოცმედიავ, სოცმედიავ.. ესაა შენი ძალა? დასკვნა. არაფერი გვეშველება, შინაგანად ისევ კონფორმისტები ვართ.

ნონკონფორმისტებზე ჰელმუტ ნიუტონი გამახსენდა, კაცი – ლეგენდა, ცინიკოსი, გენიოსი და ქალების ფოტოგრაფი, დავაზუსტებ – თავისუფალი და ძლიერი ქალების. და მისი ერთი ფოტო, დიპტიხი – They are coming! ასე ქვია სურათს, სადაც რამოდენიმე მოდელი სტუდიის ცივ თეთრ ფონზე ჯერ შიშველი და მერე ჩაცმულია გადაღებული,.მათ კუშტ მზერაში სიმორცხვისა და სირცხვილის ნატამალსაც ვერ ამოიკითხავთ, ისინი მოდიან !

ეს ევროპაში, 1981 წელს, რა ხდება ჩვენთან 2011–ში? პასუხად ისევ ჩემივე ფოტოს დავდებ და იმედს ვიტოვებ რომ იგი  არ გახდება სიმბოლური წინასწარმეტყველება, თუმცა კი რავიცი, რავიცი.. 

ლომოგრაფია

ლომოს შესახებ პირველად „რავესნიკიდან“ გავიგე, ჯერ არ ვიცოდი, ფოტოგრაფი თუ გავხდებოდი, ეს ჟურნალი მსოფლიო თინეიჯერების სამყაროში მომხდარი მოვლენების ამსახველი ერთადერთი წყარო იყო ნავთქურებისა და უშუქობის ეპოქაში. Ленингpадское Оптико-Механическое Объединение, ასე იშიფრება ეს აბრევიატურა. გარყვნილი ამერიკის დასაწევად და გასასწრებად შეიქმნა პირველი საბჭოთა ავტომატური კამერა, ლომო კომპაქტი ЛК-А. უფრო ზუსტად, იაპონური ანალოგიდან დაკოპირდა. კომუნიზმს ვინც ვერ მოესწრო, შევახსენებ, რომ საბჭოთა კავშირში ხეირიანს ვერაფერს უშვებდნენ. არც ლომო იყო გამონაკლისი, ლინზები არ ვარგოდა, ფერები ზედმეტად მჭახე იყო, ფორმები მახინჯი, კუთხეები ბნელი და ასე შემდეგ. ქარხანა სულს ღაფავდა.. რომ არა ერთი შემთხვევა... კი არადა, კურიოზი.

1991 წლის გაზაფხულზე ვენის ხელოვნების სკოლის სტუდენტებმა საკომისიოში თორმეტ დოლარად ორი ძველი კამერა შეიძინეს. ვადაგასული ფირით და ბრმად, გასართობად, უამრავი კადრი გადაიღეს, თან „ბუდვაიზერს“ წრუპავდნენ.. მიღებული ფოტოებით აღფრთოვანებულები დარჩნენ, ინტენსიური, კონტრასტული ფერები და გეომეტრიული სიმრუდეები თავისებურ, ახლებურ ემოციას ასხივებდა, ქმნიდა ერთგვარ მიმდინარეობას, რომელსაც მატიას ფიგელმა და ვოლფგანგ შტრანცინგერმა შემდგომში ლომოგრაფია უწოდეს.

მალე მათ ლომოგრაფიული საზოგადოებაც ჩამოაყალიბეს, (DIE LOMOGRAPHISCHE GESSELSCHAFT) რომლის თანათავმჯდომარეებიც მათიასი და ვოლფგანგი გახდნენ. პირველივე გამოფენამ სერიოზული წარმატება მოიტანა. იაფად შეძენილ ლომოებს საზოგადოების წევრები 100$–ად ყიდულობდნენ, ვიდრე აღმოსავლეთ ევროპაში კამერების მთელი მარაგი არ ამოიწურა.

ამიტომ, ლომოგრაფებმა ლენინგრადში, უშუალოდ კამერის მწარმოებელს მიმართეს. 1994 წელს, წარმოება უკვე დახურვის პირას იყო, სამამულო ფოტოაპარატები ვერ საღდებოდა. ავსტრიის პარლამენტის და თვით ვლადიმერ პუტინის ხელშეწყობით, ლომოგრაფიული საზოგადოება მსოფლიოში ლომო კომპაქტის ექსკლუზიური მომწოდებელი გახდა, ხოლო წარმოება – მომგებიანი.

არსებობს ათი მცნება, სადაც ასახულია თავისუფლების ის იდეოლოგია, რომელსაც ჭეშმარიტი ლომოგრაფებიმისდევენ.

1. ყოველთვის თან იქონიე კამერა, იყავი მზად, ღილაკზე თითის ერთი დაჭერა და მაგარი ფოტო უკვე შენია!

2. დაგაიღე მუდამ, დღისით და ღამით. ლომოგრაფი იღებს მანამ, სანამ კადრები არ გაუთავდება! არაა საჭირო ბევრი ფიქრი და ექსპოზიციის შედგენა.

3. ლომოგრაფია ცხოვრების ნაწილია და არა მასში ჩარევა.

4. რაც შეიძლება ახლოს მიდი გადასაღებ ობიექტთან, დაივიწყე შიში, იყავი თავხედი – შენ ხომ ლომო გაქვს!

5. ნუ ფიქრობ! ლომოთი გადაღება ხომ ძალიან იოლია, არაფრის გასწორება არ გჭირდება!

6. იმოქმედე სწრაფად!

7. არაა საჭირო წინასწარ იცოდე, რა აღიბეჭდა კამერაზე. მთელი მარილი ამაშია.

8. არც მერეა საჭირო ამის ცოდნა. ეს პუნქტი ვერ გავიგე ცოტა არ იყოს

9. გადაიღე ბრმად

10. დაივიწყე წესები!

ლომოგრაფია დღეისათვის უამრავი ადამიანის ცხოვრების სტილია. არსებობს მრავალი ფორუმი და გაერთიანება სოციალურ ქსელში, სადაც ფოტოები განიხილება და აპარატის შეძენაც უპრობლემოდაა შესაძლებელი. ლომოგრაფიის საზოგადოება მძლავრი ორგანიზაციაა და 75 წარმომადგენლობა აქვს სხვადასხვა ქვეყანაში. აბრევიატურას „ლომო“ ავსტრიელებმა პოეტური განმარტება მოუძებნეს – „love and motion“ (სიყვარული და მოძრაობა), რაც ამავდროულად საზოგადოების დევიზიცაა.

მე არასდროს მქონია ფირის აპარატი და ფოტოგრაფიაც ციფრულით ვისწავლე. თუმცა ხანდახან, როცა ქსელში ლომო კადრებს წავაწყდები, ბავშვობაში წაკითხული „რავესნიკის“ სტატია მახსენდება ხოლმე და ჩუმად ველოლიავები იდეას – ლომო ვიყიდო და თავისუფლება მჭახე ფერებში შევიგრძნო.

Cids

Italy

ბროწეულის ყვავილობა

წუხელი არ მძინებია საერტოდ, ვერ ვიყავი ჯანზე, ხოდა ესენი დილას გადავიღე მგონი ხუთზე, თუ ექვსზე..

Tbilisi B/W

ამ ჭადრებს რატომ აკუწავენ ხოლმე ვინმემ ხომ არ იცის?

პაბედა პროფილში და ფასში

და გუდიაშვილის მოედნის ულამაზესაივნიანი სახლი, სამწუხაროდ, ღობე შემოვლებული და დაზიანებული :(
და პაბედა თურმე ვოლგაა სინამდვილეში.

ძველი თბილისის ფანჯრები

ფანჯარაში შეჭტეყვა ვის უყვარს? მე ძალიან :)
პირველი ფოტო ალბათ გეცნოთ, პურპური, კაფე გუდიაშვილის მოედანზე.
ეს ულამაზესი სახლები შეიძლება ერთ მშვენიერ დღეს ფა–ფუ და სასწრაფოდ წავედი გადასაღებად, მაგრამ იმედს ვიტოვებ რომ არ დაანგრევენ.
მეორე ფოტოზე რომ სარკმლებია, ეს სახლი ცალკე ფოტოსესიას იმსახურებს, ულამაზესი ღობე ხველული კიბე აქვს და მოხატული ჭერი.. თუმცა დღეს ამ სურათით დავკმაყოფილდები.



მესამე ასევე გუდიშვილის მოედნის სახლია, მეოთხე – სამკერვალო დადიანზე..

Colors -Violet

წერილი 15 წლის მეს

ასეთი ვიყავი :)

აბა, რა მოგწერო? თითქმის 20 წელი გავიდა მას მერე, რაღაცეები აღარც მახსოვს.
უამრავი რამ მოხდება. რევოლუციები, ომები.. ბევრი შეუცვლელი რამ შეიცვლება.
ეცადე ბევრი იკითხო და ისწავლო, განსაკუთრებით უცხო ენები და მათემატიკა, ასეთი ათვისების უნარი მერე აღარასოდეს გექნება.
ის ბიჭი სულაც არაა შენი ოცნების მამაკაცი :) გამელოტდება და გალოთდება.
მომავალში უამრავ მეგობარს შეიძენ და დაკარგავ, ახლანდელ დეპრესიაზე გაგეცინება ხოლმე.
დღიურები არ გადაყარო! ინანებ.
უმაღლესშიც უპრობლემოდ ჩააბარებ, დედა სულ ტყუილად გაშინებს.
ძუძუები – ეს ბუნებრივი მოვლენაა, მარტო დაქალების თვალების დასათხრელად როდი გამოდგება :))
სათვალე სულაც არ გამახინჯებს.
შეეცადე უფრო თვითდარწმუნებული იყო, წლების მერე დარწმუნდები რომ ბევრ მოვლენას წინ უსწრებდი და სწორ დასკვნებს აკეთებდი, ნუ მიაქცევ ყურადღებას სხვების აზრს.
მართალი იყავი, კალიგრაფია საერთოდ არ დაგჭირდება და სულ ტყუილად გაწვალეს.
ცეკვაზე და მუსიკაზე სიარულზე უარი, სკოლის შეცვლის მოთხოვნა, ამ გადაწყვეტილებების გამო მომავალში შენით ვიამაყებ.

ახლა აი, ასეთი ვარ

Film effect

Small creatures

მწვანე კალია და ქრისტესისხლას ყვავილები, ჭიანჭველები გავლით, მიკრო არსებების მიკრო სამყარო, ერთხელ ბორჯომ–პარკში..

Green

რამდენნაირი მწვანე არსებობს? უუუამრავი, უთვალავი, ბეეევრი!

KISS

ვერ გავერკვიე მომწონს ეს ფოტო, არ მომწონს თუ რა, რამე მითხარით