ისევ სიღნაღი და ამჯერად შეღამებისას Sighnaghi

ისევ სიღნაღი Sighnaghi

გასაღების ჭუჭრუტანიდან

სიღნაღი არატურისტულად

საიდან დავიწყო? ალბათ იქიდან რომ პირველად აქ გავიჩინე თაყვანისმცემელი, რომელიც ჩემზე ძაალიან უფროსი იყო, მთელი 16 თუ 17 წლის და მე კიდევ მასზე ერთი თავით მაღალი და 13ს, თუ ბულვარზე საღამოობით მილიონ ალიხ როზ და ვერნისაჟი რომ ისმოდა ხოლმე? ან მეზობლები აივნიდან აივანზე რომ ჭორაობდნენ და პირდაპირ ფანჯრიდან რომ შეიძლებოდა თამარას მკვახე ვაშლის მოპარვა? თუ ბაკლაშკას მარწყვების ისტორია მოგიყვეთ..
დავიბენი. საინტერესოა ვითომ? იქნებ არც ისე, მაგრამ იქ ჩემი ბავშვობა ცხოვრობს და კედლებზე გვირილები იზრდება. თუმცა უკვე აღარ, გაარემონტეს და ამოძირკვეს ძირფესვიანად, ქალაქი კი კინოს დეკორაციას დაემსგავზა, ჭყეტელა ბუტაფორიას. რემონტი კარგია და ფერებიც თანდათან ხუნდება, მაგრამ საკმარისია ცენტრს გასცდე და ქვაფენილი დამთავრდეს რომ ნგრევა იწყება. რაზრუხა. არადა სიღნაღი სულ ერთი ციცქნაა, ავლაბრის ხელაც კი არაა.

პ.ს ფოტოები დაუმუშავებელია

პელო

ეს პელოა, ანუ პელაგია, უხსოვარი ასაკის ბებია, დეიდაჩემის მეზობელია სიღნაღში. არც შვილები ყავს, არც ახლობლები, სულ მარტოა, ტელევიზორიც კი არ აქვს. ზის მთელი დღე და ფანჯრიდან გამვლელ გამომვლელებს ალივერებს. საშინელი ავია, იწყევლება მაღალმხატვრულად და გლანძღავს თუ თვალში არ მოუხვედი, მარტო თავისი გასიებული კატა უყვარს.
პელოს რთული ხასიათის შესახებ მე, ჩამოსულს აბა საიდან უნდა მცოდნოდა? არადა ვიცოდი:))) ხოდა გულითადად გავუღიმე და აპარატი მოვიმარჯვე, რატომღაც თვალში მოუვედი და კონტაქტზე გამოვიდა. ბებერი ვარ, რათ გინდა რო სურათს მიღებო, არაუშავს ბებერი რომ ხართქო და და გადაღება გავაგრძელე, ის კიდევ უკბილოდ მიღიმოდა. წასვლისას ხელიც კი დამიქნია.

ნისლიანი პეიზაჟები Foggy Landscapes

ვერ ჩამოვყალიბდი ფერადი ჯობია თუ შავთეთრი და ამიტომ ორივე იყოს აქ.

NUDE რამერუმეები

Wall fragments from Italy

აბა სად გაგონილა იტალია მათ გარეშე? მადონები, ბევრი მადონები, ყველგან, ყველა კუთხეში.





დაახლოებთ ასეთი რამ წერია ლათინურად:"ბედნიერების სათავევ, ილოცე ჩვენთვის" თუ ვინმემ იცის კათოლიკური ლოცვის ეს სტრიქონი როგორ ითარგმნება ზუსტად, მეც განმანათლეთ გეთაყვა :)



დაჭყეტილთვალება და დორბლიანი :)

საშემოდგომო კონტრაჟური

აბსურდული ფრაზები და ქინძისთავების გალქტიკა

წლების წინ ამ პოსტს დაერქმეოდა გრუზავიკი პოსტი და იქნებოდა წუწუნი თემაზედ როგორ დავიღალე და აღარ შემიძლიან, მაგრამ საბედნიეროდ პლანეტებმა განლაგება შეცვალეს ქინძისთავების გალაქტიკაში



რატომ გადავიღე ეს კედლები ზუსტად არც ვიცი, ამ წარწერებს ისეთი განწყობა მოაქვთ, რაღაცნაირის გარდა სხვა ზედსართავს რომ ვერ დაურთავ. რაღაცნაირი ფოტოები და რაღაცნაირი პოსტი.
აბსურდულ–აბურდული :)

Ponte Vecchio

პონტე ვეკიო (იტალ. Ponte vecchio „ძველი ხიდი“), შუასაუკუნეებისდროინდელი ხიდი ქალაქ ფლორენციაში, მდინარე არნოზე. თავდაპირველად ხის ხიდი ამ ადგილას, გადმოცემის თანახმად, რომაელებს აუგიათ, რომელიც შემდგომში 1333 წელს ხანძრის შედეგად დაიწვა. 1345 წელს ხიდი ხელახლა ააგეს, ამჟამად ქვისა. ხიდის უმთავრესი დიზაინი ტადეო გადის ეკუთვნოდა. ხიდი შედგება სამი სეგმენტური თაღისგან, რომელთაგან ცენტრალური 30 მეტრის დიამეტრისაა, განაპირა ორი კი — 27 მეტრის.



ხიდი მთელი ისტორიის მანძილზე ვაჭართა და სოვდაგართა ნავთსაყუდელს წარმოადგენდა. მათი ეს დაინტერესება კი ლეგენდის თანახმად იმით აიხსნება, რომ ხიდზე ვაჭრობა იმ დროს გადასახადებისაგან გათავისუფლებული ყოფილა.


1565 წელს ჯორჯო ვაზარის კოზიმო I დე მედიჩის დაკვეთით ხიდზე „ვაზარის კორიდორად“ წოდებული შენობა დაუშენებია, რათა პალაცო ვეკიოდან პიტის სასახლემდე გზა არქიტექტურულ კონტექსტში ჩაწერილიყო. 1593 წელს ხიდის პრესტიჟის ასამაღლებლად კოზიმო მედიჩიმ ხიდზე ყასბებს ხორცის გაყიდვა აუკრძალა, რის შემდეგაც ხიდი ოქროთი მოვაჭრეებმა დაიკავეს.
ხიდზე ვაჭრებს დახლები ჰქონდათ გაშლილი, რომლებზეც მათი საქონელი ეწყო. თუ კი რომელიმე მოვაჭრე ვალებს ვერ იხდიდა, მას დახლს უმტვრევდნენ და საქონლის გაყიდვას უკრძალავდნენ, ლეგენდის თანახმად სწორედ ამ ფაქტმა წარმოშვა ტერმინი „ბანკროტი“, რაც იტალიურად „გატეხილ სკამს“ (banco rotto) ნიშნავს



სტატია ვიკიდან წამოვიღე, აი ამ ბმულიდამ

ამჯერად ფლორენცია Firenze Florence

გავისეირნოთ მედიჩებისა და პიტების ქალაქში :)

ისევ ბოლიასკო/BOGLIASCO

ამჯერად უკომენტაროდ და დამუშავებული ფოტოებით

Fiqro's English lessons

ხანდახან თბილისი როგორი ლამაზია არა? Tbilisi in autumn

განსაკუთრებით შემოდგომაზე

ბოლიასკო/BOGLIASCO

პატარა სოფელია იტალიის რივიერაზე, სადაც ჩადიხარ და ყოველ ნაბიჯზე კივიხარ რა მაგარი ადგილიაააააააა
ფოტოებს არ ვამუშავებ, გულიც გამისკდება ესენი კიდევ რომ გავალამაზო.
ხოდა გაისეირნეთ თქვენც ჩემთან ერთად.

ტაკს. რკინიგზის სადგურიდან ხედი, ტრენო დი იტალია.. ჩამოვედით.



ცოტაც და ზღვა გამოჩნდება



აი ისიც


მამმა მია!! გამოგნებელი ხედი, მოდი და ნუ იკივლებ



ადგილი სადაც დავეყარეთ, ისე კი საშინელი მლაშე აღმოჩნდა ხმელთაშუა



თეთრი ეკლესია ზემოდან დაგვყურებდა



გაგრძელება იქნება..