შემთხვევითი ფოტოები პარიზიდან

ეს ხიდი სასტიკად არ მომეწონა, ნამეტანი ბრჭყვიალებს.



სამაგიეროდ, მომეწონა გრაფიტი.



აქ გოთიკა და მოდერნი მეზობლობენ



ეს გოგო სვეცკაობდა ბალახზე :)



ყვავილების ბაზარი

პარიზის მეტრო

სიმართლე გითხრათ, პირველ სურათზე რერია, ანუ ელექტრიჩკა და არა მეტრო. უკანა პლანს თუ კარგად დააკვირდებით, გაარჩევთ კაცს რომელიც აკორდეონზე უკრავს. ასე ხვდება პარიზი ტურისტებს ცნობილი ფრანგული შლიაგერებით, თუმცა, აქა–იქ ჰავანაგილა და ოჩიჩორნიეც გამოერევა ხოლმე :))







ეს ფეხებიც მეტროში გადავიღე და იყოს აქ.

გასეირნება სენაზე / Walk along the river Sena

Contrastive colors / კონტრასტული ფერები

დავალება მაქვს ასეთი, კონტრასტული ფოტოები უნდა გადავიღო. გუშინ ვერ მოვახერხე, ღამის მორიგე ვიყავი და დღეს ძლივს გავიღვიძე. გავედი და ჯიბრზე მაშინ მოიღრუბლა ცა, ანუ ფერების ამბავს რბილად რომ ვთქვათ, წყალი შეუდგა. მაინც რაღაც მოვახლაფორთე და ბარემ აქაც დავდებ, იყოს ოჯახში :)

ჩემი ჯეოსელი



ბოლობოლო იწვიმა კიდევაც, ამ ქოლგიანი ბავშვების დანახვა ყავისფერ ქალაქში წანწალის მერე ნამდვილი უფლის წყალობა იყო




ესა კიდევ ისა, ხომ იცანით, ალიევის სკვერი.

ღამე მილანში

აბა მაკროებიი, საშემოდგომო მაკროებიი

დავიწყებ იმით რომ მაკროფოტოგრაფია ჩემი პირველი სიყვარულია, როგორც უამრავმა სხვამ, მეც ყვავილების გადაღებით დავიწყე :))) ძველი ნაცოდვილარები შეგიძლიათ იხილოთ ბლოგის არქივში.
მას მერე ყოველ წელიწადს ვიფიცები, რომ არ ვიქნები პაპსავიკი და აღარ გადავიღებ პეპლებს, ფოთლებს და წვეთებს, მაგრამ რად გინდა.. შემოდგომობით ისეთი რბილი და ლამაზი შუქია, სული წამძლევს ხოლმე და შემომეფოტკება რაიმე, მსგავსად იმისა რაც თქვენს წინაშეა..
სხვათაშორის, მაყვალი მკვახეა, მგონი ბროწეულიც.

ფოტოები პიზადან

პიზის ვაგზალზე დავტოვეთ ჩანტები და გავემართეთ სახელგანთქმული დახრილი კოშკის სანახავად
გზად არნო გადავკვეთეთ. ხიდიდან ულამაზესი ხედი იშლება, ნამდვილი იტალია თავის ფერადფერადი სახლებით.



ესეც კოშკი, რომელიც მსოფლიოს ყველა ფიზიკის წიგნში ხატია :)



ტაძარი კოშკთან






ტურისტები ისტერიულად აჩერებენ კოშკის ვარდნას და იღებენ და იღებენ სურათებს.. თავბრუ დაგეხევევა იმდენი ხალხია და ყველა ხელებს პარჭყავს ამ იაპონელებივით.



პიზაში ჭიქებიც გადაყირავებულია :))

ეიფელი და ბეემჭე

შავ თეთრი პაემანი

ვისაუბროთ
კატებზე
ან გავჩუმდეთ, მოვწიოთ.
ყავა, ჩაი,
მდინარე და
შემოდგომის პირველი შემცივნება.

წითელი

სადღაც ფლორენციაში წვიმდა..

ფიატი როგორც გადაადგილების საშუალება

წითელი
პარიზში მანქანებს ასე ახლოახლოს რატომ აჩერებენ ან როგორ გამოდიან რიგიდან დღემდე უპასუხო კითხვად მრჩება და თუ ვინმემ იცით გამანათლეთ მეც. ნახეთ, იქაც ჩვენნაირი მახინჯი მწვანე ნაგვის ყუთები დგას



ყვითელი
პატარა, პუსკუნა, საყვარელი ფიატი და კაფე მოწნული მაგიდებით და ერთმანეთს მიდგმული სკამებით კარგად რომ ჩაეხუტონ ერთმანეთს.



თეთრი
ბებერი, გასაწმენდი და ფლორენციელი :)

ტანგო მილანში

არ შემშლია, დიახ, მილანში, სადღაც კორსო მაჯენტასთან ბანკის ეზოდან გამოდიოდა მუსიკის ხმა და ეს წყვილი ცეკვავდა ფილაქანზე. მაყურებლები მარტო მე და ჩემი მეგობარი გახლდით, ალბათ რეპეტიციას გადიოდნენ, ძალიან ლამაზი სანახაობა იყო..
მაგრამ ფოტოები გამოვიდა რაღაც მომწვანო მოცისფრო ტონალობის, არანაირი მაჯენტა.. არაუშავს ხო? :)





ეს კი პიაცოლას ტანგო განწყობისათვის, თორემ წვიმს..

http://www.youtube.com/watch?v=eKApx0WgUhY&feature=related

ბეღურებს დასცხათ..

არ ვიცი რა დავწერო. აი ბეღურები, ჭყაპუნობენ თავისთვის ბედნიერად სადღაც პარიზში, თბილისში კი შემოდგომა მოვიდა, დღეს ცოტა შემცივდა..

პარიჟანები კვების დროს ანუ ბონ აპეტი :)

პარიზი აბა რისი პარიზია კაფეებისა და ფრანგული კერძების გარეშე? ხოდა მეც გადავიღე რამოდენიმე პორტრეტი ამ თემაზე.



ეს კაცი ასე ნეტარებით აგემოვნებდა შავ ღვინოს..



ამ ფოტოს არსებობა ლურჯი ბოთლის დამსახურებაა რომელიც ძალიან მომეწონა. ოდესმე ასეთი ბოთლი უნდა ვიყიდო, ოღონდ მწვანე და იქნებ სურვილებიც აასრულოს.



ეს ქალბატონიც დიდი სიამოვნებით მიირთმევდა სალათს და სტარბაქსის ყავას აყოლებდა ზედ.



ეს სალათი იყო ისეთი გემრიელობა ვერ აღვწერ, ნახევარი რომ შევჭამე, მერეღა მოვიფიქრე ფოტოს გადაღება. მoცარელა, ლორი, სალათის ფურცლები, სტაფილო და რაღაც ღვთაებრივი სოუსი. სამწუხაროდ სახელს ვერ ვიხსენებ.



ეს კი ერთი ყლუპი პარიზი. წყალი დააყოლეთ.იმედია მოგეწონათ პოსტი :)

ხედები ტრიუმფალური თაღიდან

ერთ მშვენიერ დღეს ალაგებ ზურგჩანთას და მიდიხარ პარიზში. ოოო პარიზი.. თვალებს ნაბავენ დაქალები, რა მაგარიაა.. ამ გადატრიალებული თვალების შემხედვარე ძალაუნებურად იხსენებ რასთან ასოცირდება ეს ქალაქი. ჰემინგიუი, ფიესტა ეტერნა, სამი მუშკეტერი, ხახვის სუპი(ეს საიდანღა ჩაეკვეხა?)ღვთისმშობლის ტაძარი, ნადარი უღებს სარა ბერნარს, რემარკი, რავიკი ტრიუმფალური არკა.. სტოპ. გაიტანეთ რავიკი, თინეიჯერი გოგონები მასზე მეგობრობის დღიურებში წერენ, ჩემი სიმპატიის გრაფაში. ვნახე ბოლობოლო ეს ყბადაღებული თაღი და ხედებიც გადავიღე. აგერაა.
სწორად გამიგეთ. პარიზი მართლა მაგარი ქალაქია, ეიფელიც კი ვერ ამახინჯებს