ევროპა და აზია

ეს ორი ფოტო სტამბოლში გადავიღე და ახლა დავაჯგუფე რატომღაც. რა ჯობია, ევროპული გახსნილობა თუ აზიური ჩადრა, აზიური ოჯახურობა თუ ევროპული სიმარტოვე რომელიც თავისუფლების ბონუსია, და სად ვართ ჩვენ?
ჟვანიას სიტყვები და ზეზვა და მზია ვიცით, მაგრამ..

აზრები ხმამაღლა

ასაკზე მინდა დავწერო. საბედისწერო 30-ს კაიხანია გადავაბიჯე მაგრამ "უფროსობის" შეგრძნება მაინც არ მოვიდა. ისევ აბნეული არსებად დავრჩი, ზოგჯერ ცივი რაციონალიზმით და ზოგჯერ ალოგიკური გამოხტომებით. მერწყულები ასეთები არიანო როგორც ამბობენ.
გამოცდილება.. ცხოვრების აგურების წყობის უკეთ გარჩევა და ცინიზმი, აი რა მომემატა, და კიდევ ცოდნა რომ ყველაფერი შესაძლებელია. ჰეპი ენდიც კი.
იმედიო? ალბათობის დაშვება რამდენადაა იმედი არ ვიცი.. თქვენ რას ფიქრობთ?











ესეც პორტრეტები სტამბულიდან..

დოლმაბაღჩე წვიმაში..

დოლმაბაღჩე სარაი. სარაი სასახლეს ნიშნავს, აი თურმე რას გულისხმობენ მთვარეზე ოქროს სარაიას აგიშენებო როცა გპირდებიან, არადა ყოველთვის ხუხულა მეგონა :D დოლმაბაღჩე კი ამომშრალ ბაღს, ბოსფორის ნაწილი დააშრეს რომ აეშენებინათ. ბაღჩა ისედაც გასაგებია. თურქეთის სულთანების ევროპულ ყაიდაზე მოწყობილი საბინადრო უნიკალური ბროლის კოლექციით..
ინტერიერის სურათებს არ აღებინებენ, გარეთ თავსხმაში მოვხვდი, ბავშვობის მერე ასე არ გავლუმპულვარ.. და ეს იყო პირველი ნამდვილი სასახლე ჩემს ცხოვრებაში :)