ეს ჩემი საწოლის გადასაფარებელია, კუბოკრული "ადიალო". მომიტევეთ ბაბრბარიზმი. ფოტო, რომლითაც სრული უფლება მაქვს ფეისბუქ ფოტოკონკურსებზე წარვდგე. "გადმოდი მწვანეზე", 09–ს კონკურსი, გარემოს დაცვის "მწვანე კრეაწივი" და კიდევ რამოდენიმე, სადაც მწვანე, მოგზაურობა ან შთაბეჭდილებები ფიგურირებს. სხვებიცაა, ვალენტინობაზე, სიყვარულზე და ბაღნებზე, უბრალოდ ჯერ ესენი გამახსენდა. მწვანე გასაგებია, წითელიც რომ იყოს, მაინც ატვირთავენ. მოგზურობა კი იმიტომ რომ სიზმარეთის რეისების მუდმივი თანამგზავრია.
ბოლო განაცხადი სასაცილოა, თანაც აბსურდული. სამაგიეროდ, ლაიკებით ფასდება, აქანე ძემოკრატიაა ძეტკა, მოაგროვე ახლობლობა, ეცით და დაალაიკეთ, შენზეა შენივე პრომოუშენი დამოკიდებული, მაღარიჩიც. ფოტოზე გინდა საბანი ყოფილა, გინდა ტაფა, მთავარია რაღაცა იყოს.
ამ ბოლო დროს, ვირტუალუარი სამყარო ისტერიულად ითვლის კლიკებს, რამე ხეირი მოაქვთ თუ არა მათ, პასუხი ბუნდოვანია. რა სარგებლობა მოაქვს ლაიკებს, მარტივ და გასაგებ ენაზე მეც ამიხსენით ბიძია ბაბუებო, თქვენი ლამაზი თვალების ჭირიმე.
მაგრამ ილუზია ხომ იქმნება რომ რაღაც კეთდება. ცისფერი მთების არ იყოს, ხალხი მიდი–მოდის, ერთმანეთს აწუხებს, ზოგი ხელფასსაც კი იღებს საბიუჯეტო სახსრებიდან.
რამოდენიმე კონკურსში, გამოგიტყდებით და მეც ვმონაწილეობ. თუმცა დიდი ენთუზიაზმის გარეშე, ზოგან ჟურიც კია. რამდენად ობიექტური, ძნელი სათქმელია, მაგრამ მობილურით გადაღებულ ფოტოებს არჩევს ასე თუ ისე. სადაც არაა, ფოტოს არსებობა რა საჭიროა, ვერ ვხვდები. პირდაპირ ლაიკების მისაცემი ღილაკები გააკეთონ და დააწკაპუნებენ გულშემატკივრები, პეიჯიც იხალისებს, პრიზებიც დარიგდება და ადმინსაც არ მოუწევს მეილზე მოსული ნაგვის ატვირთვა და ხალხის დაკვალიანება. ჰა, რავარია? იდეაა, კრეატიული და მწვანე, გადასაფარებელივით. :)
